MG RX8 Black Edition

MG RX8 Black Edition លេចធ្លោជាមួយនឹងសោភ័ណ្ឌភាពនៃការរចនាយ៉ាងមានអំណាច។ លក្ខណៈពិសេសនៃការឌីស្សាញរបស់រថយន្តនេះបានផ្តោតសំខាន់លើប៉ាណាមុខ​ពណ៌​ខ្មៅ​ដ៏​ទាក់ទាញ កង់​យ៉ាន់​ស្ព័រ​ពណ៌​ខ្មៅ​ទំហំ ១៩ អ៊ីញ និងនិមិត្ត​សញ្ញានៃម៉ាកយីហោ MG ​ដែល​ផ្តល់នូវ​រូបរាង​បែបស្ព័រ និង​មានអំណាច។ បំពេញបន្ថែមដោយរូបរាងមើលពីចំហៀងយ៉ាងទាន់សម័យ ទើបត្រូវបានទាក់ទាញក្រសែភ្នែកមនុស្សជុំវិញខ្លួនពេលបើកបរនៅលើដងផ្លូវទាំងផ្លូវ off-road ទាំងផ្លូវហាយវេ។

ផ្នែកខាងក្នុងរថយន្ត MG RX8 Black Edition ផលិតឡើងដោយសម្ភារៈមានគុណភាពខ្ពស់ និងសោភ័ណភាពស្រស់ស្អាត។ រថយន្តនេះបានបំពាក់នូវកៅអីពូកស្បែកនិងថ្នេរដេរយ៉ាងប្រណិត អមដោយកាប៊ីនខាងក្នុងធំទូលាយ មានទំហំដាក់ជើងធំល្អ និងបំពាក់ដោយមុខងារទំនើបៗជាច្រើនដើម្បីបង្កើននូវបទពិសោធន៍យ៉ាងទាន់សម័យនៅពេលបើកបរ។

MG RX8 Black Edition បំពាក់ដោយម៉ាស៊ីនសាំងចំណុះ 2.0L បន្ថែមដោយតួបូផ្តល់នូវតុល្យភាពនៃថាមពល និងប្រសិទ្ធភាពប្រេងឥន្ធនៈ។ ម៉ាស៊ីនរថយន្តនេះត្រូវបានរចនាឡើងដើម្បីផ្តល់នូវដំណើរការថាមពលខ្លាំងប៉ុន្តែសន្សំសំចៃខ្ពស់ ដែលធ្វើឱ្យវាស័ក្តសមសម្រាប់ការបើកបរក្នុងទីក្រុង និងការផ្សងព្រេងតាមខេត្ត។

រថយន្ត MG RX8 Black Edition បានរួមបញ្ចូលនូវប្រព័ន្ធកម្សាន្តដ៏ទំនើប ដែលមានអេក្រង់ធំ អាចភ្ផាប់ជាមួយទូរស័ព្ទស្មាតហ្វូន (Apple CarPlay និង Android Auto) ការភ្ជាប់ប៊្លូធូស និងឧបករណ៏បំពងសម្លេងកម្រិតខ្ពស់។ លក្ខណៈពិសេសនេះជួយបង្កើនការកម្សាន្ត និងអារម្មណ៏ល្អយ៉ាងរីករាយអំឡុងពេលបើកបរ។